Дапамога сям'і ці пакаранне за няшчасце?

Паважаныя бацькі!

    Менавіта мы, нашы любоў, клопат і шчырая ўвага - самае важнае для нашых дзяцей! Мы тыя, хто можа зрабіць так, каб пачуццё бяспекі не пакідала іх на працягу ўсяго жыцця!
      Для кожнага дзіцяці любое нашае слова, падмацаванае добрым учынкам, становіцца той пуцяводнай ніткай, якая павядзе іх праз усё жыццё. Таму так важна не толькі казаць, павучаючы іх, але і быць асабістым прыкладам нашым дзецям!
     Памятайце, дзецям вельмі падабаецца рабіць штосьці разам з намі. Разам адпачываць, разам даведвацца нешта новае, разам дзівіцца і цешыцца! Разам са шчаслівымі бацькамі - дзіця становіцца шчаслівым.
         Паказвайце нашым дзецям, што важней за іх для нас, нікога няма і быць не можа!
       Давайце падаваць толькі добры прыклад! Дзіця бярэ за ўзор нашы паводзіны і будзе вучыцца ў нас, дарослых, як неабходна жыць, будаваць узаемаадносіны ў сваёй сям'і, са сваімі дзецьмі.
         Нашыя дзеці! Яны глядзяць на нас і спадзяюцца, што ў нашых душах ёсць месца для іх, для іх пачуццяў і перажыванняў, для іх кахання і іх веры!
         Выхаванне дзяцей - адказная і карпатлівая праца! І часта гэты працэс мае патрэбу ў дапамозе, падтрымцы, як людзей, якія знаходзяцца побач, так і прафесіяналаў. Звяртайцеся за дапамогай, звяртайцеся тады, калі сумняваецеся, калі патрапілі ў цяжкае становішча, калі не разумееце, што рабіць.
        Дарагія бацькі! Давайце разам зробім жыццё дзяцей яркім, шчаслівым, бяспечным, цікавым і актыўным! Бо толькі мы можам зрабіць так, каб дзеці не плакалі ад болю і крыўды, а ўсміхаліся ад шчасця і радасці!

Удзельнікі абласнога міжведамаснага форума
(17 красавіка 2024 года)